თვე: ივნისი 2026

საქართველოს ეროვნული ნაკრების მთავარმა მწვრთნელმა, ვილი სანიოლმა რუმინეთთან ამხანაგური მატჩისთვის საქართველოს ნაკრების შემადგენლობა დაასახელა. მამარდაშვილი, მამაგეიშვილი, გოგლიჩიძე, კაშია, ლოჩოშვილი, აზაროვი, კიტეიშვილი, ქოჩორაშვილი, ჩაკვეტაძე, ქვილითაია, ზივზივაძე. აღნიშნული მატჩი ეროვნულ გუნდში ბოლო იქნება გუნდის კაპიტანისთვის, გურამ კაშიასთვის. შეხვედრა 21:00 საათზე დაიწყება

რუსეთი სომხეთის სასოფლო სამეურნეო კულტურის იმპორტზე მორიგ შეზღუდვას აწესებს. რუსული მედიის თანახმად, 3 ივნისიდან შეზღუდვები შეეხება სომხური წარმოშობის ბადრიჯნის, კარტოფილისა და ჩირის იმპორტს, ასევე ამ პროდუქტების ევრაზიის ეკონომიკური კავშირის წევრ ქვეყნებში ტრანზიტს. ეს ზომები ძალაში დარჩება, ვიდრე არ შემუშავდება ალგორითმი გადაზიდული საქონლის უსაფრთხოების უზრუნველსაყოფად. მაისის ბოლოს და ივნისის დასაწყისში „როსელხოზნადზორმა“ (ვეტერინარული და ფიტოსანიტარიული ზედამხედველობის ფედერალურმა […]

საქართველოს საგარეო საქმეთა სამინისტრო, მიმდინარე წლის მარტიდან, პრეზიდენტის ყოფილ სასახლეში/ავლაბრის რეზიდენციაში გადავიდა. როგორც BMG-ისთვის გახდა ცნობილი, ეროვნული ბანკის ყოფილ შენობაში, ლეონიძის ქუჩის #3-ში, სადაც საგარეო უწყება 2023 წელს გადავიდა, მხოლოდ საკონსულო და ადმინისტრაციული დეპარტამენტები დარჩა. ინფორმაცია BMG-ის მთავრობის ადმინისტრაციის პრესსამსახურმაც დაუდასტურა, მაგრამ საგარეო უწყების პრესსამსახურის თანამშრომელი, რომელიც თავად ავლაბრის რეზიდენციიდან მუშაობს, საკითხს მეორე დღეა არკვევს. […]

„ძლიერი საქართველო – ლელოში“ პრემიერ-მინისტრის ანგარიშს აფასებენ, რომელიც პარლამენტს წერილობითი სახით უკვე გადაეგზავნა. “ლელოს” წევრმა, გრიგოლ გეგელიამ დღეს, თავის განცხადებაში ის საკითხები მიმოიხილა, რომელიც პრემიერის ანგარიშშია თავმოყრილი. მისივე თქმით, საზოგადოებამ „ქართულ ოცნებას” საკადრისი პასუხი უნდა გასცეს. „მინდა გამოვეხმაურო ბატონი ირაკლი კობახიძის ყოველწლიური ტყუილების ანგარიშს. კობახიძე იტყუება, როდესაც ამბობს, რომ შენდება ანაკლიის ღრმაწყლოვანი პორტი. ანაკლიას პირველი გემები 6 წლის […]

პრემიერ-მინისტრმა ირაკლი კობახიძემ, ოპოზიციაზე საუბრისას, ჟურნალისტებთან განაცხადა, რომ ოპოზიციაში დაპირისპირება ქართული დემოკრატიის გაჯანსაღებისთვისა და დემოკრატიული სისტემის საბოლოოდ ჩამოყალიბებისთვის, კარგი და მნიშვნელოვანია. მისი თქმით, მიუხედავად იმისა, რომ ოპოზიციაში არსებული დაპირისპირება ქართული დემოკრატიის სისტემის გაჯანსაღებისთვისა და ჩამოყალიბებისთვის კარგია, ამ პროცესში მნიშვნელოვან როლს, საკონსტიტუციო სასამართლოში მმართველი პარტიის მიერ შეტანილი სარჩელიც შეასრულებს, რომლითაც „ქართული ოცნება“ – „ერთიანი ნაციონალური მოძრაობის“, „კოალიცია […]

აჭარის საზოგადოებრივი მაუწყებლიდან ჟურნალისტები გაათავისუფლეს. დღეს, 2 ივნისს, ტელევიზიისა და რადიოს 5-მა თანამშრომელმა ელექტრონული ფოსტის მეშვეობით გაიგო, რომ სამსახურიდან გაათავისუფლეს. მოტივი, ტელევიზიაში გამოცხადებული რეორგანიზაციაა. ამის შესახებ გამოცემა “ბათუმელები” წერს. სამსახურიდან დაითხოვეს გადაცემა „სათქმელის“ წამყვანი ირინა ყურუა, რადიოს საინფორმაციო გამოშვების რედაქტორი მაია მერკვილაძე, ასევე სხვა ჟურნალისტები – თეონა ხარაბაძე, ლევან ურიდი და სალომე გეგეშიძე. „ბათუმელები“ ესაუბრა […]

კომუნიკაციების ეროვნული კომისიის ანგარიშის თანახმად, 2025 წლის მონაცემებით, საქართველოში მობილური ოპერატორების მთლიანმა შემოსავალმა 928 მილიონი ლარი შეადგინა. ამის შესახებ ანგარიშის მიხედვით, ბაზრის სტრუქტურა შემდეგნაირად ნაწილდება: „მაგთიკომი“ – შემოსავალი 437 მილიონ ლარი, რაც ბაზრის 47%-ს შეადგენს;„სილქნეტი“ – შემოსავალი 325 მილიონი ლარი, რაც ბაზრის 35%-ია;„სელფი მობაილი“ – შემოსავალი 165 მილიონი ლარი, რაც ბაზრის 18%-ს შეადგენს;Hallo – შემოსავალი […]

ბაქო-თბილისი-ყარსის ახალი სარკინიგზო ხაზი დღეიდან ოფიციალურად გაიხსნა. გახსნის ღონისძიებაში მონაწილეობა მიიღეს საქართველოს პრემიერ-მინისტრმა ირაკლი კობახიძემ, ეკონომიკისა და მდგრადი განვითარების მინისტრმა მარიამ ქვრივიშვილმა, აზერბაიჯანის რესპუბლიკის ციფრული განვითარებისა და ტრანსპორტის მინისტრმა, რაშად ნაბიევიმ და თურქეთის რესპუბლიკის ტრანსპორტისა და ინფრასტრუქტურის მინისტრმა, აბდულკადირ ორალოღლუმ. ამასთან, ღონისძიებას დაესწრნენ საქართველოს მთავრობის წევრები, დეპუტატები, დიპლომატიური კორპუსისა და პარტნიორი ქვეყნების წარმომადგენლები, სომხეთის ტერიტორიული ადმინისტრირებისა და […]

პოლიციამ ქვემო ფონიჭალაში მოხდარ სისხლიან ანგარიშსწორებაზე 3 პირი დააკავა – შსს-ს ცნობით, გამოძიებით დადგინდა, რომ ერთ-ერთმა ბრალდებულმა წარსულში არსებული კონფლიქტის ნიადაგზე, ცეცხლსასროლი იარაღიდან გასროლით სამ პირს (ძმებ ყელბერაშვილებს და მათ მეგობარს) სხეულის სხვადასხვა არეში დაზიანება მიაყენა და შემთხვევის ადგილიდან მიიმალა. გამოძიებით ასევე, დადგინდა, რომ მომხდარ ფაქტს შეესწრო, ბრალდებულის 2 მეგობარი, თუმცა ორივე მათგანმა განსაკუთრებით მძიმე […]

პროკურატურამ სამი ადამიანი დააკავა და კიდევ ექვსის მიმართ სისხლის სამართლის დევნა დაიწყო აშშ-ის საელჩოს რეგიონული უსაფრთხოების სამსახურთან ერთობლივად ჩატარებული ღონისძიებების შედეგად. პროკურატურის თანახმად, საქმე ეხება აშშ-ში თავშესაფრის მაძიებელი საქართველოს მოქალაქეებისთვის ყალბი ისტორიის (ქეისის) შექმნას და მათთვის ყალბი დოკუმენტების დამზადებას. ასევე აშშ-ის და კანადის ვიზის მისაღებად ყალბი დოკუმენტების დამზადებას. დღევანდელ ბრიფინგზე თბილისის პროკურორმა გიორგი მიქაიამ თქვა, […]

თბილისის საქალაქო სასამართლომ მასწავლებელ გიგა ავალიანის მკვლელობის საქმეზე, მსჯავრდადებულებიდან დემეტრე ჩიქოვანს 9.9 წლით, ანი ნასყიდაშვილს კი 5,3 წლით თავისუფლების აღკვეთა მიუსაჯა. აღნიშნული გადაწყვეტილება მოსამართლე დემეტრე ჯინჯოლიამ მიიღო. ჯინჯოლიას გადაწყვეტილებით ჩიქოვანს 13 წლით თავისუფლების აღკვეთა მიესაჯა, თუმცა, არასრულწლოვანთა მართლმსაჯულების კოდექსის თანახმად, მას სასჯელი 1/4-ით შეუმცირდა და საბოლოოდ სასჯელის სახედ და ზომად, 9.9 წლით თავისუფლების აღკვეთა მიესაჯა. ანი […]

რუსთავში, მდინარე მტკვარში მაშველებმა 2 ადამიანის ცხედარი იპოვეს. ორივე გარდაცვლილი მამაკაცია. ინფორმაციას შინაგან საქმეთა სამინისტრო ადასტურებს. ამასთან „ინფო რუსთავის“ ინფორმაციით, მაშველებმა ცხედრები ძველი და ახალი რუსთავის დამაკავშირებელი ხიდიდან რამდენიმე კილომეტრში იპოვეს. სხვა დეტალები ამ დროისთვის უცნობია.

საქართველოს პარლამენტს პრემიერ-მინისტრ ირაკლი კობახიძის მიერ წლიური ანგარიში წერილობითი ფორმით უკვე წარედგინა. მთავრობის ხელმძღვანელი პარლამენტს ანგარიშს თავად ივნისის ბოლომდე წარუდგენს, თარიღი კი დაკონკრეტდება. ანგარიშში აღნიშნულია, რომ საქართველოს მთავრობამ საანგარიშო პერიოდში განაგრძო ეფექტიანი, გამჭვირვალე და მოქალაქეზე ორიენტირებული საჯარო მმართველობის განვითარება. მთავრობის ცნობით, მნიშვნელოვანი პროგრესია მიღწეული ციფრული მმართველობის, საჯარო სერვისების მოდერნიზაციისა და ინსტიტუციური გაძლიერების მიმართულებით. დოკუმენტში აღნიშნულია, რომ 2025 […]

პირველად გაიხსნა იოსებ სტალინის კუთვნილი შესანიშნავი ღვინის კოლექცია. საქართველოს მთავრობა, რომელიც ამჟამად ამ უნიკალური საცავის მეურვეა თბილისში, დაახლოებით 40 000 ფრანგული და ქართული იშვიათობის აუქციონზე გატანას გეგმავს. ამის შესახებ “ინდეფენდენტი” წერს. კოლექციაში არსებული ზოგიერთი ბოთლი მე-19 საუკუნის დასაწყისით თარიღდება. გაყიდვიდან მიღებული შემოსავალი საქართველოში ღვინის ახალი საგანმანათლებლო სკოლის დაარსებას მოხმარდება.ირაკლი გილაურმა, Gilauri Wines-ის მფლობელმა, რომელიც ამ […]

ირანის საინფორმაციო სააგენტო Tasnim-მა ორშაბათს განაცხადა, რომ თეირანის მომლაპარაკებელი ჯგუფი შუამავლების მეშვეობით ამერიკის შეერთებულ შტატებთან შეტყობინებების გაცვლას წყვეტს ლიბანში ისრაელის თავდასხმების გამო, პარალელურად კი ირანის სამთვიანი ომის დასასრულებლად დიპლომატიური ძალისხმევა გრძელდება. სააგენტომ აღნიშნა, რომ ირანმა და „წინააღმდეგობის ფრონტმა“ – რომელიც მოიცავს მის შიიტ მოკავშირეებს იემენში, ლიბანსა და ერაყში – დასახეს გეგმა ჰორმუზის სრუტის სრული ბლოკირებისა და სხვა […]

ქართველი ფეხბურთელის ხვიჩა კვარაცხელიას სატრანსფერო ღირებულება 50 მლნ ევროთი გაიზარდა და 140 მლნ ევროს მიაღწია. მანამდე მისი ღირებულება 90 მილიონ ვროს შეადგენდა. შეგახსენებთ, რომ 30 მაისს, ბუდაპეშტში გამართული ჩემპიონთა ლიგის ფინალის შემდეგ, ხვიჩა კვარაცხელიას „პარი სენ-ჟერმენმა“ ლონდონური „არსენალი“ პენალტების სერიაში დაამარცხა და ზედიზედ მეორედ, ევროპის უმთავრეს საკლუბო ტიტულს დაეუფლა. 31 მაისს კი უეფამ „პარი სენ-ჟერმენის“ […]

სახელმწიფო მინისტრმა სამართალდამცავი ორგანოების კოორდინაციის საკითხებში მამუკა მდინარაძემ დღევანდელ ბრიფინგზე განაცხადა, რომ დღეს, ქართული სახელმწიფო, ქართული სპეცსამსახურები, ქართველი სამართალდამცველები და უსაფრთხოების სისტემა არის იმდენად ძლიერი, რომ მას შეუძლია ჩვენი ქვეყნისთვის უპრეცედენტო ღონისძიებების ჩატარება – რეალური ჯაშუშური ქსელების გაშიფვრა და მათი წევრების დაკავება. მისი თქმით, სუს-ის მიერ ჯაშუშობის ბრალდებით დაკავებული ორი ადამიანიდან ერთს ბრალი ორი სხვადასხვა სახელმწიფოს სასარგებლოდ სადაზვერვო […]

ჯანდაცვის სამინისტროს დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილის, პაატა იმნაძის განცხადებით, საქართველოში დენგეს ადგილობრივი შემთხვევა არასდროს ყოფილა. შემოტანილი შემთხვევები ყოველწლიურად გვაქვს, შეიძლება, წელიწადში რვამდე იყოს. მან პირველ არხს განუცხადა, რომ პაციენტი, რომელსაც საქართველოში დენგეს ვირუსი დაუდასტურდა, გამოჯანმრთელებულია და თავის ქვეყანაში დაბრუნდა. ამასთან, როგორც პაატა იმნაძემ აღნიშნა, საქართველოში დენგეს ვირუსის გავრცელების რეალური […]

საქართველოს პარლამენტის ადამიანის უფლებათა დაცვის კომიტეტის თავმჯდომარის, რატი იონათამიშვილის განცხადებით, მას შემდეგ, რაც სიძულვილის ენის წინააღმდეგ ბრძოლის სამმართველოს შექმნა დაანონსდა, გამოჩნდა, რადიკალურ ჯგუფებს და იმ ადამიანებს რა რეაქცია ჰქონდათ, რომლებმაც ზიზღი და სიძულვილის ენა ყოველდღიური საქმიანობის ნიშნად აქციეს. იონათამიშვილის თქმით, ის, ვინც სიძულვილის ენას ირჩევს, რა თქმა უნდა, სინამდვილეში, ოპონირებისას ამჯობინებს ზიზღს, ძალადობას და უარს […]

დღეს „ქართული ოცნების“ სასიქადულო ხელისუფლებამ ქართული ავტოკრატიის განვითარების გზაზე კიდევ ერთი მნიშვნელოვანი და ღირსეული ნაბიჯი გადადგა – ყველა დროის ყველაზე უმორალო “ქართული ოცნების” მთავრობამ რეალური პრობლემების მოგვარების ნაცვლად, საკუთარი “მორალის პოლიცია“ შექმნა! ვაშა და ყოჩაღ ამხანაგებო! ვაი, თქვენს პატრონს “ქართულო ოცნება“! – ამ განცხადებით ეხმაურება პარტია “ლელო – ძლიერი საქართველოს“ წევრი თაზო დათუნაშვილი შეურაცხმყოფელი, ადამიანის ღირსების […]

უწმინდესი და უნეტარესი, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი შიო III წმინდა მოციქულთასწორ ნინოს საქართველოში შემოსვლის დღესთან დაკავშირებით ფოკაში იმყოფება. ინფორმაციას ამის შესახებ საქართველოს საპატრიარქოს საზოგადოებასთან ურთიერთობის სამსახური ავრცელებს, მათივე ინფორმაციით, კათალიკოს-პატრიარქი შიო ფოკაში პარაკლისს აღავლენს. დღეს მართლმამიდებელი ეკლესია ნინოობას, წმინდა ნინოს ხსენებას აღნიშნავს.

ბოლნისში დედამ 7 წლის შვილი მოკლა. ინფორმაციას ადგილობრივი მედია Aktual ge ავრცელებს. მათივე ცნობით, 42 წლის ქალმა 7 წლის ბიჭს სასიკვდილო ჭრილობები დანით მიაყენა. გამოცემა წერს, რომ ფაქტის შემდეგ ოჯახის წევრებმა მომხდარის დამალვა სცადეს. გავრცელებული და დაუდასტურებელი ინფორმაციით, დედამ შვილის მოკვლის შემდეგ, თვითმკვლელობა სცადა და 9 ჭრილობა მიიყენა, თუმცა ექიმებმა მისი გადარჩენა შეძლეს. გამოძიება სისხლის სამართლის […]

შინაგან საქმეთა სამინისტროს ადამიანის უფლებების დაცვის დეპარტამენტის სიძულვილის ენის წინააღმდეგ ბრძოლის ახლად შექმნილი სამმართველო ფუნქციონირებას შეუდგა. ამის შესახებ ინფორმაციას შინაგან საქმეთა სამინისტრო ავრცელებს. მათი ცნობით, სამმართველოს ძირითადი ფუნქცია-მოვალეობები ადამიანის ღირსების შემლახველი/შეურაცხმყოფელი და სიძულვილის ენის შემცველი საჯაროდ გავრცელებული იმგვარი განცხადებების მონიტორინგი და პროაქტიული გამოვლენა იქნება, რომელიც შეიცავს საქართველოს ადმინისტრაციულ სამართალდარღვევათა კოდექსით გათვალისწინებულ სამართალდარღვევის ნიშნებს. სამმართველო მოახდენს სავარაუდო […]