მეცხრე მოწვევის რუსეთის სახელმწიფო დუმის არჩევნები ჩატარდება რუსეთის კანონმდებლობით დადგენილ ვადებში, მათი უსაფრთხოების უზრუნველსაყოფად ყველა შესაძლო ზომით. კრემლის პრესსამსახურის ცნობით, ამის შესახებ რუსეთის პრეზიდენტმა ვლადიმერ პუტინმა „ერთიანი რუსეთის“ დღევანდელ ყრილობაზე განაცხადა.
რუსული მედიის ინფორმაციით, არჩევნები ოფიციალურად სამი დღის განმავლობაშია დაგეგმილი (18, 19 და 20 სექტემბერი). ცოტა ხნის წინ მედიაში გავრცელდა ინფორმაცია, რომ სამართალდამცავმა ორგანოებმა პუტინს შესთავაზეს წლევანდელი არჩევნების უსაფრთხოების მიზნით გადადება. პუტინის პრესმდივანმა დიმიტრი პესკოვმა ეს ინფორმაცია უარყო
ვლადიმერ პუტინმა განაცხადა, რომ „ერთიანი რუსეთის“ მოვალეობაა, ყველაფერი გააკეთოს გამარჯვების მისაღწევად. ამის შესახებ პარტიის ოფიციალურ Telegram არხზე გავრცელდა ინფორმაცია.
პარტიის ყრილობაზე სახელმწიფოს მეთაურმა აღნიშნა, რომ რუსეთი ყოველთვის ძლიერი იყო და ხალხის ერთიანობის წყალობით იმარჯვებდა. სწორედ ეს შინაგანი ერთიანობა, მისი თქმით, აწუხებს არაკეთილმოსურნეებს.
„მათ არასდროს არაფერი გამოუვიდათ და არც ახლა მიაღწევენ წარმატებას“, – თქვა პუტინმა.
მანვე განაცხადა, რომ უკრაინის არმია ბრძოლის ველზე უკან იხევს, რაც კიევს ტერორისტულ მეთოდებს მიმართავს. პუტინმა დასძინა, რომ მოწინააღმდეგეები ვერ ახერხებენ რუსეთისთვის სტრატეგიული დამარცხების მიყენებას და ბრძოლის ველზე გამარჯვებას, ამიტომ ისინი ცდილობენ ქვეყანაში პოლიტიკური სიტუაციის დესტაბილიზაციას.
