ივანიშვილი აწარმოებს მოლაპარაკებებს ქართველი ჯარისკაცების ღაზას სექტორში გასაგზავნად, – ამის შესახებ “ლეიბორისტული პარტიის” ლიდერმა შალვა ნათელაშვილმა საგანგებო ბრიფინგზე ისაუბრა.
ოპოზიციონერი ლიდერის თქმით, ივანიშვილი ამ გზით ცდილობს, საერთაშორისო მხარდაჭერა მოიპოვოს და სანქციებს თავი აარიდოს.
“საკმარისია, თვალი ოდნავ მოვაცილოთ ტერორისტ ოლიგარქს, ის ხლართავს მორიგ ბოროტების ქსელს ყოველ ჯერზე. რამდენიმე კვირის წინ ჩვენ ჩავუშალეთ მას ტრამპ თაუერის მშენებლობასთან დაკავშირებული სქემა, რომლითაც სურდა ამერიკის პრეზიდენტის ოჯახზე გასვლა დასანქციებისგან თავის გადარჩენა. ამასობაში, ვიგებთ, რომ ამჯერად აწარმოებს მოლაპარაკებებს ქართველი ჯარისკაცების მსოფლიო ტერორიზმის ცენტრში ღაზას სექტორში გასაგზავნად, სადაც მან უნდა მოაგვაროს ებრაელებისა და ჰელიოსების ტომებს შორის 26 საუკუნის წინ დაწყებული დაპირისპირება და ამ დროს, აგერ, ყურის ძირში აბარებს პუტინს შდა ქართლსა და ცხინვალის რეგიონს, საიდანაც მათი მოთხოვნით, მოსკოვის დავალებით, გაიყვანა ქართული ჯარიც, სპეცრაზმიც და პოლიციაც თავის დროზე და როგორ განვითარდა მოვლენები, ვიცით.
დღეს მე მივმართე ისრაელის პრეზიდენტს, ჩემს ძველ მეგობარს, მოგეხსენებათ ის ისრაელის “ლეიბორისტული პარტიის” ლიდერი იყო და ურთიერთმეგობარობა გვქონდა, თავისთავად პრემიერ ნეთანიაჰუს, ისრაელის კნესეთს და ყველა ებრაულ ორგანიზაციას, რომლებიც მოქმედებენ მსოფლიოში.
მეგობრებო, ქართველ-ებრაეთა ათასწლოვანი ძმობა და მეგობრობა სამაგალითოა და სწორედ ამის გამოყენება უნდა დღეს საქართველოს მთავარ მოღალატეს, დიქტატორსა და სისხლში გასვრილ ოკუპანტს იმისთვის, რომ გამოძვრეს სასანქციო მარყუჟიდან, რომელიც ლეიბორტულმა პარტიამ და ქართველმა ხალხმა გაუმზადა თავისი ბრძოლით და ღაზას სექტორში ქართული ჯარების გაგზავნით სურს ებრაული ლობის მხარდაჭერა მიიღოს აი, ამ საკუთარი თავის და მილიარდების გადასარჩენად, – განაცხადა შალვა ნათელაშვილმა.
