„გახარია საქართველოსთვის“ პარტიის წევრის, სოფიო ხირგუანის განცხადებით, ოკუპირებული ცხინვალის რეგიონში რუსეთმა საქართველოს ტერიტორიის მიტაცების ახალი ეტაპი დაიწყო.
გახარიას პარტიის წევრმა ბრიფინგზე განაცხადა, რომ ამოქმედდა მოსკოვსა და ცხინვალის რეჟიმს შორის მაისში გაფორმებული ე.წ. „სამოკავშირეო ურთიერთქმედების გაღრმავების ხელშეკრულება“ და დაიწყო მისი პრაქტიკული აღსრულება.
მისი თქმით, ამის დადასტურებაა რუსეთის მიერ წარმოებული საკადრო პოლიტიკა ოკუპირებულ ტერიტორიაზე.
ხორგუანი მიმართავს საქართველოს პარლამენტის თავდაცვისა და უსაფრთხოების კომიტეტს, სასწრაფოდ მოიწვიონ კომიტეტის სხდომა და განიხილონ რუსეთის ფედერაციის მიერ ოკუპირებული ცხინვალის რეგიონის ტერიტორიაზე მიმდინარე ბოლო პროცესები.
