პოლონეთში, მაზოვის სავოევოდეში, 15 წლის ბიჭი სკოლის პერსონალს დანით დაესხა თავს. 37 წლის დამლაგებელი მოკლულია, ხოლო ორი ადამიანი დაჭრილი.
პოლიციაზე დაყრდნობით, TVN24 იტყობინება, რომ თავდასხმა ვიშკოვის მახლობლად, სოფელ ლეშჩიდულ-ნოვინიში მოხდა. ბიჭი ადრე ამავე სკოლაში სწავლობდა.
ის, თავდაპირველად, დამლაგებელს დაესხა თავს. სკოლის დირექტორმა მისი შეკავება მასწავლებლის დახმარებით სცადა. ორივე დაშავდა, მაგრამ მათ სიცოცხლეს საფრთხე არ ემუქრება.
