ეპშტეინის ქსელში გადაბირების ერთ-ერთი მთავარი ადგილი გამოვლინდა
პოპულარული ფრანგული კურორტი სენ-ტროპე გახდა ერთ-ერთი მთავარი ადგილი გოგონების ამერიკელი ფინანსისტის, ჯეფრი ეპშტეინის ქსელში ჩასათრევად.
ამის შესახებ ფრანგული გაზეთი Le Monde წერს.
გამოცემის ჟურნალისტების მიერ ჩატარებული გამოძიების შედეგების თანახმად, სენ-ტროპე საფრანგეთში მეორე დასაყრდენი იყო, სადაც ხდებოდა ქალების გადაბირება „სექსუალური ექსპლუატაციისთვის“ პარიზში, ფოშის გამზირზე მდებარე მისი ბინის შემდეგ. ეპშტეინი კურორტს თითქმის ყოველწლიურად სტუმრობდა.
ფრანგმა გამომძიებლებმა დაადგინეს, რომ ამერიკელის ერთ-ერთი მთავარი გადამბირებელი საფრანგეთში იყო ჟან-ლუკ ბრუნელი, სამოდელო სააგენტო MC2 Model Management-ის დირექტორი და Karin Models-ის ყოფილი მენეჯერი. სტატიის თანახმად, ბრუნელი სამოდელო სააგენტოებს იყენებდა ეპშტეინისთვის ახალგაზრდა ქალების მონაცემთა ბაზაზე წვდომის მისაცემად. იგი დააკავეს და 2022 წლის თებერვალში ბრუნელმა ციხეში თავი მოიკლა.
2019 წელს ეპშტეინს შეერთებულ შტატებში არასრულწლოვნების სექს-ტრეფიკინგში ბრალი წაუყენეს. იმავე წლის ივლისში ის ციხეში გარდაიცვალა; გამომძიებლებმა ეს თვითმკვლელობად მიიჩნიეს.
გამოიწერეთ “პრესექსპრესი”
