რუსეთის საგარეო საქმეთა სამინისტროს პრესსპიკერმა მარია ზახაროვამ ქართულ სამზარეულოს არა მხოლოდ „რბილ ძალა“, არამედ „გემრიელი ძალა“ უწოდა. ამის შესახებ “რია ნოვოსტი” წერს.
ბრიფინგის დროს ზახაროვამ რუს და ქართველ ახალგაზრდებს მოუწოდა, იმოგზაურონ და ამ პროცესში, ქვეყნებს შორის ორმხრივი ურთიერთობების სტატუსის შესახებ კითხვებზე პასუხები ეძიონ.
„ესაუბრეთ ჩვენს მოქალაქეებს, ეწვიეთ ჩვენს თეატრებს, მუზეუმებსა და რესტორნებს. შეგიძლიათ შეადაროთ, სად არის ქართული სამზარეულო უფრო გემრიელი – მოსკოვში თუ თბილისში“, – თქვა ზახაროვამ.
აუდიტორიაში მყოფმა ერთ-ერთმა ქართველმა ჟურნალისტმა აღნიშნა, რომ ქართული სამზარეულო ქვეყნის რბილი ძალაა.
„ეს არ არის რბილი ძალა. ეს არის „გემრიელი ძალა“!“ – ხუმრობით უპასუხა ზახაროვამ.
გამოიწერეთ “პრესექსპრესი”
