უკრაინის პრეზიდენტმა ვოლოდიმირ ზელენსკიმ განაცხადა, რომ ილონ მასკმა უარყო უკრაინის მოთხოვნა Starlink-ის რუსეთის ტერიტორიაზე გამოყენების შესახებ და ამას ესკალაცია უწოდა. ამის შესახებ უკრაინული მედია იუწყება.
მედიის წარმომადგენლებთან შეხვედრაზე პრეზიდენტმა განაცხადა, რომ თავდაცვის სამინისტრომ სთხოვა მას ნებართვის მიღება Starlink-ის რუსეთის ტერიტორიაზე თავდაცვის მიზნით გამოყენების შესახებ.
ზელენსკის თქმით, კიევს თავდაპირველად ეგონა, რომ SpaceX-მა უკვე მისცა თანხმობა და მხოლოდ პოლიტიკური გადაწყვეტილება რჩებოდა. ზელენსკიმ საკითხი დონალდ ტრამპთან და ევროპელ ლიდერებთან განიხილა, რომლებმაც დაადასტურეს პროექტის მილიარდზე მეტი ოდენობით დაფინანსების სურვილიც კი.
მოგვიანებით გაირკვა, რომ ილონ მასკი Starlink-ის გამოყენების წინააღმდეგი იყო და ასეთ გამოყენებას „ესკალაციად“ მიიჩნევდა.
ამავდროულად, ზელენსკიმ განაცხადა, რომ უკრაინა ახლა მასკის გუნდისგან უფრო და უფრო გამამხნევებელ სიგნალებს იღებს და ნებართვის მოძიებას აგრძელებს.
„თუ ერთი რამ არ მუშაობს, მეორე გამოვა. არავინ ნებდება“, – თქვა ზელენსკიმ.
გამოიწერეთ “პრესექსპრესი”
