ჩვენი ეპისკოპატის ძირითადი ნაწილი ეკლესიას აღიქვამს იერარქიულ საკუთრებად, საკუთარ თავს კი კორპორატიულ დირექტორებად, რომელთაც ყველაფრის უფლება გააჩნიათ. ამის შესახებ პოლიტიკური ფილოსოფიის დოქტორი არჩილ გამზარდია აცხადებს.
ის სოციალურ ქსელში, თავის პირად გვერდზე წერს, რომ საეკლესიო იერარქები მრევლს აღიქვამს პატრონ-ყმურ რეჟიმში, ისევე, როგორც ჩვენი საერო ხელისუფალნი.
“ამოსავალი საეკლესიო ძალაუფალთათვის არა იმდენად საღვთო სათნოებებია, არამედ საკუთარი ნება, სადაც საღვთო სჯულს არსებითად დევნის და ჩაგვრის ინსტრუმენტად უფრო იყენებენ, ვიდრე ქრისტიანული აღზრდის ფილოსოფიის კონცეფციად.
პრაქტიკულად არ არსებობს იმაზე თავნება მმართველობითი სივრცე, როგორიც დღეს საეკლესიო მმართველობაა, რაც სამწუხაროდ ჩვენს ეკლესიას უკარგავს იმ მთავარ ფუნქციას, სადაც ეკლესია ქრისტეს განსხეულებაა, რომელიც კრიბავს ნებისმიერს, ვინც საკუთარ უფალს ქრისტეში ხედავს” – წერს გამზარდია.
გამოიწერეთ “პრესექსპრესი”
