„როსატომის“ ცნობით, შავ ზღვაში დრონის თავდასხმის შედეგად კონტეინერმზიდი „იანინა“ ჩაიძირა.
ამის შესახებ „როსატომის“ აღმასრულებელმა დირექტორმა ალექსეი ლიხაჩოვმა „კომერსანტს“ განუცხადა.
„ეს იყო სრულიად ჩვეულებრივი, მშვიდობიანი კონტეინერმზიდი გემი, რომელიც საერთაშორისო წყლებში მიცურავდა და სამოქალაქო ტვირთი გადაჰქონდა – გაყინული საკვებიდან დაწყებული, სამშენებლო და მოსაპირკეთებელი მასალებით დამთავრებული. ასეთი თავდასხმა არ შეიძლება იქნას განმარტებული, როგორც ზღვაში მეკობრეობა და ძარცვა“, – აღნიშნა მან.
მისი თქმით, გემი 1 აგვისტოს ღამეს შავ ზღვაში, ნოვოროსიისკიდან 130 მილის დაშორებით, ორი უკრაინული საზღვაო დრონის თავდასხმის შედეგად ჩაიძირა. ეკიპაჟის 17 წევრი გადარჩა.
საუბარია „იანინაზე“, რომელიც „როსატომის“ შვილობილი კომპანიის, FESCO-ს საკუთრებაა.
გამოიწერეთ “პრესექსპრესი”
