“დიდი შვიდეულის” ლიდერებმა გეოპოლიტიკის შესახებ კომუნიკე მიიღეს, რომელშიც უკრაინას ახალ იარაღს დაჰპირდნენ და ტრამპის ირანთან შეთანხმებას დაუჭირეს მხარი – წერს BBC.
განცხადების თანახმად, უკრაინის პროგრესმა ფრონტზე „ახალი იმპულსი“ შექმნა, რომლის მხარდაჭერასაც დიდი შვიდეულის ლიდერები აპირებენ.
👉ამ მიზნით, უკრაინაში საჰაერო თავდაცვის სისტემების, რაკეტების და შორი მოქმედების იარაღის მიწოდება გაიზრდება. გარდა ამისა, ისინი „მზად არიან განიხილონ კიევისთვის სამხედრო ლიცენზიების გადაცემის შესაძლებლობა“, რათა უკრაინამ საკუთარი თავდაცვის წარმოება გაზარდოს.
👉დიდი შვიდეულის ლიდერებმა ასევე პირობა დადეს, რომ გაზრდიან ზეწოლას რუსეთის სამხედრო ეკონომიკაზე და დააწესებენ დამატებით სანქციებს.
👉განცხადებაში ასევე მიესალმნენ აშშ-სა და ირანს შორის ახალ შეთანხმებას, რომელიც „დონალდ ტრამპის ძლიერი ხელმძღვანელობით დაიდო“. დიდი შვიდეული ამას ისტორიულ შესაძლებლობად მიიჩნევს, რათა თეირანს სამუდამოდ ჩამოერთვას ბირთვულ იარაღზე წვდომა და შეამციროს მისი სარაკეტო საფრთხეები.
👉”დიდი შვიდეული” ნავთობისა და გაზის მომარაგების დივერსიფიკაციას დააჩქარებს, ხოლო საფრანგეთი და დიდი ბრიტანეთი თავდაცვითი მისიის დაწყებას გეგმავენ ჰორმუზის სრუტეში.
👉”დიდი შვიდეული” ასევე გამოვიდა მოწოდებით ლიბანში ცეცხლის შეწყვეტისა და ჰეზბოლას განიარაღების შესახებ. ღაზას სექტორში შვიდეულის ქვეუნები ჰუმანიტარული დახმარებისა და რეკონსტრუქციის გაზრდის პირობას დებენ და დასავლეთ სანაპიროზე ძალადობის დასრულებისკენ მოუწოდებენ.
