სრულიად საქართველოს კათოლიკოს პატრიარქის ილია II-ის საფლავი სიონის საპატრიარქო ტაძარში თუ აქამდე ცოცხალი ყვავილებით იყო შემკული, რომელიც პერიოდულად ცოცხალი ყვავილებითვე ახლდებოდა, ამჟამად სხვაგვარად გამოიყურება. საფლავი შეიცვალა და დაუახლოვდა იმ საბოლოო ვერსიას, რასაც ის, როგორც ამბობენ, მალე მიიღებს.
საფლავის შეცვლის შესახებ, ლევან ჭიქინაშვილის ფეისბუქგვერდიდან გახდა ცნობილი, რომელიც ახლა სამების ტაძრის მედავითნე და სტიქაროსანია, მანამდე კი, საპატრიარქოს ყოფილი თანამშრომელი და პატრიარქის დაცვის წევრი იყო.
“დაახლოებით ერთი თვით ადრე დაიგეგმა ეს ყველაფერი. მამა კირიონი მოვიდა, გავზომეთ, ზომები ავიღეთ, რომ ახალი საფლავი ვიზუალურად მიმსგავსებული ყოფილიყო სამომავლოდ დაახლოებით რა სიმაღლე და ფორმაც ექნებოდა საფლავს… ხის მასალაა და მერე თბილისის ფერისცვალების დედათა მონასტერში ამ ხის შესაფერისი გადასაფარებელი მოქარგეს… მოკლედ, ჯერ შიდა თეთრი, რძისფერია, რაც მთლიანად გადაეფარა და მერე ზემოდან გადაეფარა ხავერდის შინდისფერი ქსოვილი, სადაც უკვე აწერია: “სრულიად საქართველოს კათოლიკოს-პატრიარქი ილია II“. ზედ გამოსახულია სერაფიმებიც, ჯვარიც და ასეთი ფორმა აქვს.
ambebi.ge
