გამოცემა “თაიმერის“ ექსკლუზიური ინფორმაციით, ზუგდიდში, ქალაქის შესასვლელთან მდებარე ბენზინგასამართ სადგურზე ბენზინმზიდის აფეთქების შედეგად არავინ გარდაცვლილა.
შემთხვევის შედეგად ორი ადამიანი დაშავდა. ისინი სასწრაფო დახმარების ჯგუფებმა სამედიცინო დაწესებულებაში გადაიყვანეს.
როგორც „თაიმერს“ ექიმებმა განუცხადეს, დაშავებულებს შესაბამისი სამედიცინო დახმარება უტარდებათ და მათ სიცოცხლეს საფრთხე არ ემუქრება.
აფეთქების შედეგად დაზიანდა მიმდებარედ მდგომი ავტომობილები. ასევე, ახლოს მდებარე საცხოვრებელ სახლებს მინები ჩაემსხვრა.
აფეთქების ხმა იმდენად ძლიერი იყო, რომ ის ზუგდიდის მიმდებარე რეგიონებშიც ისმოდა.
ადგილზე მობილიზებულია შესაბამისი სამსახურები. აფეთქების გამომწვევი მიზეზი ამ დროისთვის უცნობია.
ფოტო და ინფორმაცია: თაიმერი
გამოიწერეთ “პრესექსპრესი”
