საქართველოს მეზობელ ქვეყნებს შორის მარკეტებში 1 კგ. საქონლის ხორცის საშუალო ფასი ყველაზე მაღალი თურქეთში, ყველაზე დაბალი კი აზერბაიჯანშია – ამის შესახებ ირკვევა კვლევითი ორგანიზაცია Numbeo-ს განახლებული სტატისტიკიდან.
უფრო კონკრეტულად, ას ქვეყანას შორის თურქეთი მე-16, აზერბაიჯანი კი 71-ე ადგილზეა. მონაცემების მიხედვით, მარკეტებში 1 კგ საქონლის ხორცის საშუალო ფასი თურქეთში 19 დოლარს, ხოლო აზერბაიჯანში 10 დოლარს აჭარბებს.
საქართველოსა და მეზობელ ქვეყნებში 1 კგ. საქონლის ხორცის საშუალო ფასები ასე გამოიყურება:
- თურქეთი (მე-16 ადგილი) – 19.98 დოლარი;
- სომხეთი (45-ე ადგილი) – 13.11 დოლარი;
- რუსეთი (59-ე ადგილი) – 11.28 დოლარი;
- საქართველოს (66-ე ადგილი) – 10.79 დოლარი;
- აზერბაიჯანი (71-ე ადგილი) – 10.57 დოლარი.
სად ღირს საქონლის ხორცი ყველაზე ძვირი და იაფი
აღსანიშნავია, რომ მსოფლიოს სხვა ქვეყნებს შორის საქონლის ხორცი ყველაზე ძვირი შვეიცარიაშია და ფასი 43 დოლარს აჭარბებს, ყველაზე იაფი კი ნიგერიაშია და 3 დოლარს აღემატება.
5 ქვეყანა, სადაც მარკეტებში 1 კგ ხორცის საშუალო ფასი შედარებით მაღალია, ასე გამოიყურება:
- შვეიცარია – 43.66 დოლარი;
- ნორვეგია – 30.65 დოლარი;
- ლუქსემბურგი – 26.43 დოლარი;
- ისრაელი – 26.03 დოლარი;
- სინგაპური – 26.01 დოლარი.
იმ 5 ქვეყნის ჩამონათვალი კი, სადაც საქონლის ხორცი შედარებით იაფია, ასეთია:
- ნიგერია – 3.13 დოლარი;
- ბოლივია – 4.47 დოლარი;
- პაკისტანი – 4.89 დოლარი;
- ინდოეთი – 5.13 დოლარი;
- ნეპალი – 5.16 დოლარი.
bpn.ge
გამოიწერეთ “პრესექსპრესი”
