2026 წლის იანვარ-ივნისში კომერციულმა ბანკებმა (მიკრობანკებმა) 1.878 მლრდ ლარის წმინდა მოგება მიიღეს. ამის შესახებ ეროვნული ბანკის მიერ გამოქვეყნებული ფინანსური მაჩვენებლებიდან ჩანს.
სებ-ის სტატისტიკით, აღნიშნული მაჩვენებელი წლიურად 20.5%-ით არის გაზრდილი. კერძოდ, მონაცემების მიხედვით, 2025 წლის იანვარ-ივნისში ბანკების მოგება 1.558 მლრდ ლარი იყო.
რაც შეეხება ცალკეულ ბანკებს, 2026 წლის 6 თვეში ყველაზე მეტი მოგება კვლავ „საქართველოს ბანკმა” მიიღო, ყველაზე ზარალიანი კი “ვი-თი-ბი”-სთვის აღმოჩნდა.
აღსანიშნავია ისიც, რომ კომერციულ ბანკების მთლიანი მოგების 88% კვლავ მხოლოდ 2 ბანკზე – „საქართველოს ბანკსა“ და „თიბისი ბანკზე“ მოდის.
უფრო კონკრეტულად, ეროვნული ბანკის ვებგვერდზე გამოქვეყნებული სტატისტიკის მიხედვით, 2026 წლის იანვარ-ივნისში ბანკების/მიკრობანკების მოგება ასე გადანაწილდა:
- „საქართველოს ბანკი“ – 966 568 822 ლარი;
- „თიბისი ბანკი“ – 683 867 763 ლარი;
- „ბაზისბანკი“ – 74 025 007 ლარი;
- ლიბერთი ბანკი“ – 52 834 638 ლარი;
- „კრედო ბანკი“ – 43 866 745 ლარი;
- „პროკრედიტ ბანკი“ – 18 009 541 ლარი;
- „ქართუ ბანკი“ – 16 341 047 ლარი;
- „ტერა ბანკი“ – 15 334 419 ლარი;
- „ხალიკ ბანკი“ – 12 226 823 ლარი;
- მიკრობანკი „კრისტალი“ – 8 703 877 ლარი;
- „იშ ბანკ“ – 7 447 494 ლარი;
- „პეივ ბანკი“ – 5 599 297 ლარი;
- „პაშა ბანკი საქართველო“ – 3 977 948 ლარი;
- „ზირაათ ბანკი საქართველო“ – 3 711 149 ლარი;
- მიკრობანკი „ემ-ბი-სი“ – 1 792 515 ლარი
რაც შეეხება 2026 წლის 6 თვეში ზარალიან ბანკებს, მონაცემები ასე გამოიყურება:
- „ვითიბი ბანკი“ – 14 989 341 ლარი;
- „სილქ ბანკი“ – 13 833 540 ლარი;
- „ჰეშ ბანკი“ – 6 208 203 ლარი;
- „პეისერა ბანკი საქართველო“ – 1 199 675 ლარი.
ცნობისათვის, საანგარიშო პერიოდში ბაზარზე 17 კომერციული ბანკი და 2 მიკრობანკი ოპერირებდა.
bpn.ge
გამოიწერეთ “პრესექსპრესის” ფეისბუქგვერდი
