წარმოგიდნებთ რუბრიკას “წარმატებული ქართველები საზღვარგარეთ”, რომელიც მიზნად ისახავს ჩვენ თანამემამულეებთან ინტერვიუების ცილს, რომლებიც საზღვაგრეთ ცხოვრობენ და წარმატებით მოღვაწეობენ.
ჩვენი რუბრიკის პირველი სტუმარია სოციალური ქსელებიდან ბევრისთვის კარგად ცნობილი ქართველი, წარსულში ექიმი და ამჟამად ბიზნესმენი, რომელიც უკვე მრავალი წელია, იტალიაში ცხოვრობს და წარმატებით საქმიანობს – კახაბერ ცერცვაძე:
– თავდაპირველად, მოკლედ თქვენ შესახებ – სად დაიბადეთ, გაიზარდეთ, რას საქმიანობდით ემიგრაციამდე?
– დავიბადე ქალაქ ქუთაისში 1971 წელს და გავიზარდე ქალაქ ზესაფონში. 1988 წელს დავამთავრე ზესტაფონის საშუალო სკოლა და შემდეგ განვაგრძე სწავლა სანქტ-პეტერბურგის სამედიცინო ფაკულტეტზე პედიატრიის განხრით. სამედიცინო განათლების წარმატებით დამთავრების შემდეგ, გავიარე რეზიდენტურა და 2 წლიანი სტაჟირება, რის შემდეგაც 5 წელი ვიმუშავე ექიმ-გინეკოლოგად ქალაქ სანქტ-პეტერბურგის დ.ო. ოტოს სახელობის გინეკოლოგიისა და რეპროდუქტოლოგიის კვლევით ინსტიტუტში.
– როდის დატოვეთ საქართველო და რამ განაპირობა ემიგრაციაში თქვენი წასვლა?
– საქართველო დავტოვე 1988 წელს სწავლის გაგრძელების მიზნით და მას შემდეგ შემოვრჩი ემიგრაციაში.
– რამდენად რთული იყო ემიგრაციის დასაწყისი. რომელი ქვეყანა იყო პირველი, სადაც ჩახვედით?
– პეტერბურგის მერე, კვალიფიკაციის ასამაღლებლად წავედი გერმანიაში ქალაქ მიუნხენში, სადაც გავიცანი ჩემი მეუღლე შორენა ქურხული და შემოვრჩი ამ ქალაქში, მაგრამ როგორც კი მან დაასრულა სწავლა, საცხოვრებლად გადავედით იტალიაში, ქალაქ ბოლონიაში.
– რა არის ამჟამად თქვენი ძირითადი საქმიანობა და რამდენად ძნელი იყო თქვენი საქმის დაწყება? ასევე, ვიცით, რომ ბევრს მოგზაურობთ – ეს ძირითადად, ალბათ, თქვენ ბიზნეს საქმიანობას უკავშირდება. ამ მხრივ რა შეგიძლიათ გვითხრათ – შემოიფარგლება თუ არა თქვენი საქმიანობა მხოლოდ ერთი მიმართულებით, თუ არის კიდევ რაიმე სხვა სფერო, რომლითაც ხართ დაკავებული როგორც ბიზნესმენი. რას ნიშნავს თქვენთვის იყო “ნუმერო უნო”, რაზეც ხშირად საუბრობთ ხოლმე?
– ამჟამინდელი ჩემი საქმიანობა არის ყველასთვის ცნობილი სარესტორნო ბიზნესი, სასოფლო-სამეურნეო ბიზნესი, საოჯახო და მცირე სასტუმროების ბიზნესი, ტრანსპორტისა და ლოჯისტიკის ბიზნესი და ახალი ბიზნესწამოწყებაა ჩვენი ბრენდი ,,ქართული ყავა’’, რომელიც მზადდება იტალიაში. თამამად შემიძლია ვთქვა, რომ მხოლოდ ჩემი და ჩემი მეუღლის თავდადებული შრომით შევქმენით ეს ყველაფერი, რითაც ძალიან ვამაყობთ. ხშირად გვიწევს საზღვრებს გარეთ გასვლა, რა თქმა უნდა, ეს ეხება ბიზნესს, განვითარებას და ხანდახან, დასვენებასაც – ესეც აუცილებელია. რაც შეეხება ,,ნუმერო უნოს’’ ეს სლოგანი იტალიური სიტყვაა და ნიშნავს ნომერ ერთს, საუკეთესოს. ეს ჩვენი მთავარი პრიორიტეტია. ეს ნიშნავს, რომ ჩვენი კომპანია ბაზარზე ნომერი პირველია და ის პერსონალური ბრენდის ნაწილია, რაშიც მკვეთრად ხაზგასმულია საქმიანობის ლიდერობა და უმაღლესი ხარისხი.
– ვიცით, რომ ყავის პრეზენტაციას გეგმავთ საქართველოში?
– დიახ, შევქმენით ახალი ყავის ბრენდი, რომელსაც დაერქვა ქართულიყავა და ახლო მომავალში საქართველოში იგეგმება მისი პრეზენტაცია.
– ამბობენ, რომ საოცარი ყავის მომზადების რეცეპს ფლობთ და თუ გაგვიმხელთ?
– ძალიან დიდი ბოდიში, მაგრამ ეს თემა არის ექსკლუზივი და ჯერ ვერ გავახმიანებთ. მე ვიქნები პირველი ადამიანი მსოფლიოში, რომელმაც დაამზადა ყავა თავისი ტექნოლოგიით.
– ასევე ვიცით, რომ ბევრი გეგმა გაქვთ – უკავშირდება თუ არა ისინი საქართველოსაც?
– რა თქმა უნდა, ჩვენთვის ძალიან საამაყო და მნიშვნელოვანია ქართული საქმის კეთება, ყოველთვის ხაზგასმით აღვნიშნავთ სიტყვა “ქართულს” და “საქართველოს”.
– თქვენი სტაფი ძირითადად, ქართველებისგან შედგება – რას გვეტყვით თქვენ გუნდზე და ზოგადად, როგორია თქვენი ურთიერთობა ემიგრანტ ქართველებთან?
– ჩვენი სტაფის ძირითადი ნაწილი, განსაკუთრებით, სამზარეულოში ქართველებისაგან შედგება, პირველ რიგში, ვთვლი, რომ ქართული საქმე ქართველმა უნდა აკეთოს და მეორე ის, რომ ქართველი ემიგრანტების გვერდში დგომა ძალიან მნიშვნელოვანია. სოციალური ქსელიდან ნათლად ჩანს ჩემი დამოკიდებულება ჩემი გუნდის და ზოგადად, ემიგრანტების მიმართ. ძალიან თბილი და გულწრფელი.
– რა არის, ან ვინ არის თქვენი წარმატების მიზეზი? ორიოდე სიტყვა თქვენი ოჯახის შესახებაც რომ გვითხრათ – მეუღლეზე, შვილებთან დაკავშირებით?
– ჩემს ოჯახს რაც შეეხება, მყავს ჩემი მარჯვენა ხელი, მე ასე ვიტყოდი, ჩემი მეუღლე – შორენა ქურხული და სამი შვილი, ლუკა, ბექა და მარიამი. აქედან ორი ბიჭი – 19 წლის ტყუპები, რომლებიც სტუდენტები არიან. ერთი სწავლობს მილანში საავიაციო ინჟინერიის განხრით და მეორე – ბოლონიაში ფინანსებისა და მარკეტინგის განხრით. პატარა გვყავს 11 წლის გოგონა და სწავლობს სკოლაში და ასევე დაკავებულია სხვა და სხვა აქტივობებით. მე ვამაყობ ჩემი ოჯახით და ძალიან ბედნიერი ვარ. ჩემი ოჯახი არის ჩემი ძირითადი წარმატების მიზეზი.
– აპირებთ თუ არა საქართველოში დაბრუნებას, თუ ემიგრაცია თქვენი საბოლოო არჩევანია?
– დაბრუნებას რაც შეეხება, ადრე თუ გვიან, ყველა თავის ფესვებს უბრუნდება.
მიყვარხართ ყველა! პატივისცემით, კახაბერ ცერცვაძე
ჩვენი გამოწერა შესაძლებელია აქ: “facebooke.com”
