დსთ-ს ქვეყნებისა და საქართველოს სატვირთო მანქანების მძღოლებს, რომლებიც რუსეთში უვიზოდ ჩავიდნენ, 30 ივნისიდან ქვეყანაში 180 დღემდე დარჩენა შეუძლიათ. ამისათვის მათ უნდა წარადგინონ ელექტრონული განაცხადი რუსეთის ფედერაციაში შესვლისა და ყოფნის მიზნის მითითებით, პასპორტის ასლებთან და საერთაშორისო სატვირთო მანქანების მძღოლად პროფესიული საქმიანობის დამადასტურებელ დოკუმენტებთან ერთად. ამის შესახებ “ტასი” იუწყება.
სამთავრობო დოკუმენტის თანახმად, დსთ-ს ქვეყნებისა და საქართველოს პროფესიონალი მძღოლებისთვის რუსეთში დროებითი ყოფნის ვადა 2026 წლის 27 აპრილის მთავრობის დადგენილებით გაგრძელდა. ის „ძალაში 2026 წლის 30 ივნისიდან შედის“.
როგორც რუსეთის შინაგან საქმეთა სამინისტროს ოფიციალურმა წარმომადგენელმა ირინა ვოლკმა აპრილში განმარტა, რუსეთში 180 დღემდე უვიზოდ ყოფნისთვის, დსთ-ს ქვეყნებისა და საქართველოს მოქალაქეებმა სახელმწიფო სერვისების პორტალზე RuID მობილური აპლიკაციის გამოყენებით უნდა წარადგინონ ელექტრონული განაცხადი რუსეთში შესვლისა და ყოფნის მიზნის მითითებით. შესვლის უფლების მისაღებად განაცხადის შეტანისას, „საერთაშორისო ტრანსპორტის მძღოლის პროფესიული საქმიანობის დამადასტურებელი საბუთების ასლები და დოკუმენტები უნდა დაერთოს“, – აღნიშნა მან.
ირინა ვოლკის თქმით, ეს ღონისძიება მიზნად ისახავს საერთაშორისო ტრანსპორტირების შეუფერხებლად წარმართვას და ლოჯისტიკური პროცესების გამარტივებას.
