ცენტრალური ისრაელის კოჩავ იაირის რაიონში, ბენზინგასამართ სადგურზე სროლა მოხდა. 35 წლის მამაკაცი დაიღუპა, ხუთი ადამიანი კი დაიჭრა. X-ში ეროვნული სასწრაფო დახმარების სამსახურის ცნობით, ორი მათგანი ჰოსპიტალიზებულია, მათი მდგომარეობა მძიმეა, ხოლო სამის – საშუალო სიმძიმის.
The Times of Israel იუწყება, რომ სროლა დასავლეთ სანაპიროს გამყოფი ბარიერის მახლობლად, სამ ადგილას მოხდა. ისრაელის თავდაცვის ძალებმა განაცხადეს, რომ ერთ-ერთი მსროლელი ადგილზე მოკლეს.
ისრაელის თავდაცვის ძალებმა რეგიონში ჯარები და დამატებითი სამედიცინო პერსონალი გაგზავნა. ისრაელის თავდაცვის ძალების განცხადებაში ნათქვამია, რომ „სხვა ტერორისტების ფართომასშტაბიანი ძებნა“ მიმდინარეობს.
