ცნობილი ქართველი მსახიობი გიორგი ბახუტაშვილი მონაწილეობს ისრაელის ახალ, 8-ეპიზოდიან მძაფრსიუჟეტიან ტრილერში — „გაქცევა“ — “Ha’Bricha,” რომელიც კომპანია Keshet Media Group-ის მიერ არის წარმოებული და ისრაელის წამყვან არხზე, Keshet 12-ზე გადის.
ისტორია მოგვითხრობს ახალგაზრდა იოელზე (როლს ასრულებს იდო ტაკო), რომელიც კოლუმბიის ჯუნგლებში არსებულ ულტრაორთოდოქსულ სექტას ეფარება და იქიდან გაქცევას ახერხებს. ის ალიანსს ქმნის მოსადის ყოფილ აგენტ კარმელთან (იეჰუდა ლევი), რათა სექტაში მიტოვებული ცოლი და შვილი დაიხსნას. გმირებს ულტრაორთოდოქსული სექტის ლიდერსა და ადგილობრივ ნარკოკარტელს შორის არსებულ სახიფათო ალიანსთან მოუწევთ დაპირისპირება.
საერთაშორისო მასშტაბის სერიალის მაღალბიუჯეტიანი გადაღებები სამ ძირითად ლოკაციაზე — კოლუმბიაში, საქართველოში და ისრაელში მიმდინარეობდა.
სერიალში ისრაელის კინოინდუსტრიის წამყვან ვარსკვლავებთან ერთად ქართველი მსახიობებიც არიან ჩართული, რაც პროექტს ქართული აუდიტორიისთვის განსაკუთრებით საინტერესოს ხდის.
“ჯემნიუსი”
