თურქეთის კაბადოკიის რეგიონში კლდე ჩამოინგრა, რასაც ორი ადამიანის სიცოცხლე ემსხვერპლა.
გორემეს ღია ცის ქვეშ მდებარე მუზეუმთან ახლოს, კლდე ჩამოინგრა. პროვინციის გუბერნატორის ჰუსეინ კიოქის თქმით, ორი ადამიანი დაიღუპა და ერთი დაშავდა.
„დღეს, 15:15 საათზე, ძლიერი წვიმების შედეგად მეწყერი ჩამოწვა. ნევშეჰირის პროვინციის ქალაქ გორემეში მეწყრის მიერ გამოწვეული ქვების ჩამონგრევის შედეგად, სამწუხაროდ, ორი ადამიანის ცხედარი იპოვეს, ხოლო ერთი დაშავებული საავადმყოფოში გადაიყვანეს“, – განაცხადა მან.
ადგილზე სამძებრო-სამაშველო სამუშაოები მიმდინარეობს.
