აშშ-ის აღმოსავლეთ სანაპიროზე, ნანტაკეტის კუნძულის სანაპიროსთან რადარიდან გაუჩინარდა თვითმფრინავი, რომელშიც ექვსი ადამიანი იმყოფებოდა.
ამის შესახებ სანაპირო დაცვა სოციალურ მედია პლატფორმა X-ზე გამოქვეყნებულ პოსტში იტყობინება.
„სანაპირო დაცვა ეძებს Gulfstream-ის თვითმფრინავს, რომელშიც ექვსი ადამიანი იმყოფებოდა. ფედერალურმა ავიაციის ადმინისტრაციამ შაბათს დილით თვითმფრინავთან კონტაქტის დაკარგვის შესახებ განაცხადა“, – ნათქვამია განცხადებაში. „ძებნა ნანტაკეტის სანაპიროსთან მიმდინარეობს“.
სააგენტოს ცნობით, თვითმფრინავი ბერმუდის კუნძულებიდან ბოსტონში მიფრინავდა.
