ჩაქვში, რკინიგზის სადგურის მიმდებარე ტერიტორიაზე, ზღვის სანაპიროსთან არსებული გზის მონაკვეთს ზღვა წლებია რეცხავს.
ადგილობრივების თქმით, პრობლემის შესახებ შესაბამისი უწყებებისთვის არაერთხელ მიუმართავთ, თუმცა საკითხი დღემდე მოუგვარებელია.
როგორც „აჭარა თაიმსს“ მოქალაქემ აცნობა, ამ ეტაპზე მდგომარეობა განსაკუთრებით გართულებულია და არსებობს საფრთხე, რომ ზღვის ზემოქმედების შედეგად გზა მნიშვნელოვნად დაზიანდეს ან საერთოდ წაიღოს.
„წლებია მოსახლეობა ამას ითხოვს, მაგრამ არავინ აქცევს ყურადღებას. პრობლემა ძალიან უკიდურესად საშიში გახდა უყურადღებობის გამო. მალე ზღვა გზას წაიღებს და სერიოზულ პრობლემას შეუქმნის ზღვის პირას მცხოვრებ მოსახლეობას“, – მოგვწერა მოქალაქემ.
