„ფრთხილად იყავით, თუ ნივთებს ონლაინ ყიდით!“ – „საზოგადოება და ბანკები“ მოქალაქეებს ახალი ფინანსური თაღლითობის შესახებ აფრთხილებს.
„როგორ მუშაობს სქემა? თაღლითი გიკავშირდებათ, როგორც „დაინტერესებული მყიდველი“. გიგზავნით ყალბ ბმულს, რომელიც ვიზუალურად ძალიან ჰგავს ონლაინ გადახდების ან საკურიერო სერვისების ცნობილ ვებგვერდებს (ხშირად დასახელებაში მხოლოდ ერთი ასოა შეცვლილი). გთხოვთ ამ ბმულზე საბანკო მონაცემების შეყვანას, თითქოს ნივთის საფასური ასე უნდა ჩაგირიცხოთ.
შედეგი: თანხის მიღების ნაცვლად, თქვენი ანგარიშიდან ფული ქრება.
დაიმახსოვრეთ, არასდროს გასცეთ: მობაილბანკის მომხმარებლის სახელი და პაროლი; ბარათის სრული მონაცემები; SMS-ით მოსული ერთჯერადი კოდები.
ოქროს წესი: თანხის თქვენს ანგარიშზე ჩასარიცხად მყიდველს ეს მონაცემები არ სჭირდებათ. საკმარისია მხოლოდ და მხოლოდ თქვენი ანგარიშის ნომრის გაზიარება“, – აღნიშნულია „საზოგადოება და ბანკების“ განცხადებაში.
bpn.ge
ჩვენი გამოწერა შესაძლებელია აქ: “facebooke.com”
