რუსეთი და საქართველო სპეციალური წარმომადგენლების დონეზე პირდაპირ დიალოგს აღადგენენ

დღის სიახლეები პოლიტიკა

რუსეთი და საქართველო სპეციალური წარმომადგენლების დონეზე პირდაპირ დიალოგს აღადგენენ.

რუსულმა მხარემ კონტაქტი დაამყარა საქართველოს პრემიერ-მინისტრის რუსეთის ფედერაციასთან ურთიერთობების ახალ სპეციალურ წარმომადგენელთან, გიორგი ზურაბაშვილთან, იტყობინება გაზეთი „იზვესტია“ რუსეთის საგარეო საქმეთა სამინისტროზე დაყრდნობით.

„ჩვენ კონტაქტი დავამყარეთ გიორგი ზურაბაშვილთან. მისი რუსი კოლეგაა საგარეო საქმეთა მინისტრის მოადგილე მიხაილ გალუზინი, რომელიც სამხრეთ კავკასიას კურირებს. რუსეთი მუდმივად უჭერს მხარს საქართველოსთან პრაგმატული და ურთიერთსასარგებლო ურთიერთობების დამყარებას“ – განაცხადეს რუსეთის საგარეო საქმეთა სამინისტროში.

მათვე განმარტეს, რომ მომლაპარაკებლები ყურადღებას გაამახვილებენ პრაქტიკულ საკითხებზე, როგორიცაა ვაჭრობის, ტურიზმის, სატრანსპორტო კავშირების და ქვეყნებს შორის კულტურული გაცვლის გაფართოება. ამჟამად მიიღება ზომები სასოფლო-სამეურნეო პროდუქციის ორმხრივი მიწოდების ხელშეწყობის მიზნით; რუსეთისა და საქართველოს სოფლის მეურნეობის სამინისტროები ამ საკითხზე მუშაობენ.

რუსეთთან ურთიერთობების სპეციალური წარმომადგენელი 2026 წლის ოქტომბრის ბოლოს დაინიშნა; თანამდებობა 2024 წლის გაზაფხულიდან ვაკანტური იყო.

სპეციალური წარმომადგენლის დანიშვნა აჩვენებს თბილისის განზრახვას, განაახლოს პირდაპირი დიალოგი მოსკოვთან, რასაც მხარს უჭერს რუსეთი, აღნიშნავს რუსეთის საგარეო საქმეთა სამინისტრო.

გამოიწერეთ “პრესექსპრესი”

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *