თბილისის კიდევ ერთი სკოლა დაიკეტა – 81-ე სკოლა საგაკვეთილო პროცესი მას შემდეგ შეწყდა, რაც ერთი კვირის წინ ერთ-ერთ საგაკვეთილო ოთახში ბათქაში ჩამოვარდა.
ჭკალოვის ორ ნომერში დილიდან პროტესტია – ადგილზე მშობლები არიან შეკრებილები და საგაკვეთილო პროცესის აღდგენას ითხოვენ, ამბობენ, რომ იმ ერთ ოთახს თვითონვე გაუკეთებენ რეაბილიტაციას, თუმცა მათთან რამდენიმე წუთის წინ სკოლის დირექტორი გამოვიდა და ადგილზე შეკრებილებს ამცნო, რომ მათი შვილები სწავლას მომდევნო კვირიდან 103-ე სკოლაში გააგრძელებენ.
აღნიშნული სკოლა მეტრომშენში მდებარეობს, რაც იმას ნიშნავს, რომ ტრანსპორტირებაზე ბავშვებს დიდი დრო დაეკარგება, ასევე მათ მოუწევთ რამდენიმე ცვლაში სწავლის გაგრძელება, რაც მშობლებისთვის მიუღებელია.
ადგილზე შეკრებილები ეჭვობენ, რომ ახლა 81-ე სკოლის დანგრევა და მის ადგილას კორპუსის ჩადგა სურს – მათ ამ ეჭვებს უმყარებთ ის გარემოება, რომ ჯერ კიდევ ერთი წლის წინ არსებობდა ინფორმაცია, რომ შენობა შეიძლება ავარიული ყოფილიყო, თუმცა ზაფხულის განმავლობაში არც რეაბილიტაცია ჩატარებია შენობას და არც ექსპერტიზა.
ერთ-ერთი ვერსია, რამაც შესაძლოა, შენობის მდგომარეობა დაამძიმა სწორედ ადგილზე მიმდინარე სამშენებლო სამუშაოებია – ირკვევა, რომ ფაქტობრივად ორ მეტრში კორპუსის მშენებლობა მიმდინარეობს.
81-ე სკოლასტან მშობლები და ბავშვები რჩებიან და პროტეტს აგრძლებენ, რადგან მათთვის მიუღებელია ის შეთავაზებული ვერსია, რომელიც სკოლის დირექტორისგან მიიღეს.
“ტვ პირველი”
