გერმანელი მამაკაცი გინესის რეკორდების წიგნში მოხვდა მას შემდეგ, რაც ერთ წუთში ყველაზე დიდი რაოდენობით თაფლი შეჭამა. აუგსბურგელმა ანდრე ორტოლფმა პროდუქტის 1273 გრამი 60 წამში გადაყლაპა, ნათქვამია გინესის რეკორდების წიგნის ვებსაიტზე გამოქვეყნებულ პოსტში.
ექსპერტებმა აღნიშნეს, რომ თაფლის ეს რაოდენობა დაახლოებით 4000 კალორიას და თითქმის ერთ კილოგრამ შაქარს შეიცავს. ეს რაოდენობა 20-ჯერ აღემატება რეკომენდებულ დღიურ დოზას.
საინტერესოა, რომ ორტოლფს სასმელებისა და საკვების ყველაზე სწრაფი მოხმარების რამდენიმე რეკორდი ეკუთვნის. რამდენიმე წლის განმავლობაში მან დაახლოებით 500 ასეთი მიღწევა დაამყარა.
