შეერთებულმა შტატებმა სანქციები დააწესა საერთაშორისო სისხლის სამართლის სასამართლოს წინააღმდეგ
უცხოური მედიის ინფორმაციით, გადაწყვეტილება გამოცხადდა სამხრეთ აფრიკელი იურისტის, ყოფილი მოსამართლე ნავი პილაისთვის ნობელის მშვიდობის პრემიის მიღებიდან სულ რამდენიმე საათში.
სახელმწიფო მდივანმა რუბიომ განაცხადა, რომ ვაშინგტონი არ დაუშვებს საერთაშორისო სისხლის სამართლის სასამართლოს, გაასამართლოს ამერიკელი მოქალაქეები:
„პრეზიდენტი ტრამპი არასდროს დაუშვებს საერთაშორისო სისხლის სამართლის სასამართლოს, გაასამართლოს ამერიკელები. სწორედ ამიტომ აწესებს შეერთებული შტატები სანქციებს დღეს საერთაშორისო სისხლის სამართლის სასამართლოს წინააღმდეგ. ჩვენ ავკრძალავთ ნებისმიერ ურთიერთობას ამ არალეგიტიმურ სასამართლოსთან, წავართმევთ მას რესურსებს და შეარყევთ მის ფუნქციონირების შესაძლებლობას“ – განაცხადა რუბიომ.
აშშ-ის სანქციები კრძალავს სასამართლოსთან ტრანზაქციებს და მიზნად ისახავს მისი ფინანსური და ტექნიკური შესაძლებლობების შეზღუდვას. მათ ასევე შეიძლება გავლენა მოახდინონ იმ კომპანიებზე, რომლებიც პირდაპირ აწვდიან მომსახურებას სასამართლოს. ამან შეიძლება გამოიწვიოს ამერიკული კომპანიების მიერ საბანკო მომსახურების, დაზღვევის და პროგრამული უზრუნველყოფის მიწოდების შეწყვეტა.
ვაშინგტონი დიდი ხანია აკრიტიკებს საერთაშორისო სისხლის სამართლის სასამართლოს ისრაელის ოფიციალური პირების, მათ შორის პრემიერ-მინისტრ ნეთანიაჰუს დაპატიმრების ორდერების გაცემის გამო. დავის დამატებითი წყარო იყო ავღანეთში ამერიკელი ჯარისკაცების ქმედებების გამოძიება, რომელიც შემდგომში დაიხურა.
