ფაშინიანი არა მხოლოდ სომხურ მიწებს თმობს, არამედ არღვევს ერის კოლექტიურ ნებას და სულიერ ღირებულებებს, რომლებიც ნებისმიერი სახელმწიფოს საფუძველს წარმოადგენს. ეს უნდა დასრულდეს ან ყველამ უნდა დაიწყოს თურქული ენის შესწავლა, – ამის შესახებ აღნიშნულია სომხეთის ყოფილი პრეზიდენტის, რობერტ ქოჩარიანის განცხადებაში, რომელიც მისი ოფისის ხელმძღვანელმა, ბაგრატ მიქოიანმა წაიკითხა.
ქოჩარიანის თქმით, მის წინააღმდეგ უკანასკნელი სისხლის სამართლის ბრალდება იმდენად აბსურდულია, რომ მისი შეფასება სტანდარტული ლექსიკის ფარგლებში რთულია.
სომხეთის ყოფილი პრეზიდენტის თქმით, ნიკოლ ფაშინიანი თანდაყოლილი შიშებისა და კომპლექსების კიდევ ერთ მანიაკალურ გამწვავებას განიცდის, სასამართლო სისტემა კი მის ფობიებს ემსახურება.
ქოჩარიანის განცხადებით, ქვეყანა უკიდურესად სახიფათო ავანტიურაში აღმოჩნდა, რამაც ის დიდ სახელმწიფოებს შორის გეოპოლიტიკური ინტერესების შეჯახების ცენტრში მოაქცია.
„მთავრობის მიზანი ნათელია: საზოგადოების გახლეჩა, შიშის, უძლურების, სიძულვილისა და განადგურების ატმოსფეროს შექმნა. ეს არის ბაქოს ყველა მოთხოვნის შესასრულებლად აუცილებელი პირობები“, – აღნიშნა რობერტ ქოჩარიანმა.
გამოიწერეთ “პრესექსპრესი”
