ტურისტები უკვე ჯავშნიან ტურებს ოკუპირებულ აფხაზეთში მომავალი ზაფხულისთვის. ამის შესახებ ტუროპერატორ „ალეანის“ მონაცემებზე დაყრდნობით vestikavkaza წერს.
ამჟამად საქართველოს ამ ოკუპირებულ რეგიონზე ადრეული დაჯავშნების მთლიანი მოცულობის, დაახლოებით, 75% მოდის – აცხადებენ რუსეთის ტუროპერატორების ასოციაციაში (ATOR).
დიდი მოთხოვნით ტურისტებს შორის სარგებლოს სასტუმროებში “ოლ ინკლუზივი” კერძო აუზებით. ადრეული დაჯავშნა რუსებს საშუალებას აძლევს, დაზოგონ 10-20% დასვენებისთის.
ყველაზე ხელმისაწვდომ ტურებს – რომლებიც იწყება 49,000 რუბლიდან ორი ადამიანისთვის ერთი კვირის განმავლობაში – გვთავაზობენ სამვარსკვლავიანი „ოლ ინკლუზივი“ სასტუმროები „ევროპა“ გაგრაში და „სტრანა დუში“ სოხუმში.
ოთხვარსკვლავიან „ოლ ინკლუზივ“ სასტუმროებში ფასები 108,500 რუბლიდან იწყება.
ტურისტებს მომავალ ზაფხულს აფხაზეთში ორი ახალი შეთავაზება ელოდება. გუდაუთაში მდებარე 3-ვარსკვლავიანი სასტუმრო „აფსნი“ მეორე შენობას გახსნის, რომელიც ზაფხულის სეზონზე „ოლ ინკლუზივ“ მომსახურებას შესთავაზებს. გაგრაში ასევე გაიხსნა ახალი სასტუმრო – 3-ვარსკვლავიანი „აფხაზეთის ლეგენდა“, რომელიც სამჯერადი კვების შვედური მაგიდით მომსახურებას სთავაზობს მომხმარებლებს.
